មេន​គរ​បាល​ច្រក​ទ្វារ​អន្តរជាតិ​ប៉ោយប៉ែត បរិច្ចាគ​បៀវត្ស​ក្នុង​មួយ​ខែ​ចំនួន ១លាន​រៀល រយៈពេល ៦ខែ ជូន​គណៈកម្មាធិការ​ជាតិ​ប្រយុទ្ធ​ប្រឆាំង​នឹង​ជំងឺ Covid​-19​


(បន្ទាយមានជ័យ​)៖ ក្រោម​ស្មារតី​ចូលរួម​ចំណែក​ជាមួយ​រាជរដ្ឋាភិបាល ក្នុង​ការ​ប្រយុទ្ធ​ប្រឆាំង នឹង​ជំងឺ Covid​-19 ដែល​កំពុង​រីក​រាលដាល​នៅ​លើទឹក​ដី នៃ​ព្រះរាជាណាចក្រ​កម្ពុជា លោក​ឧត្តមសេនីយ៍​ត្រី អ៊ី ចំរើន នាយ​ប៉ុស្តិ៍​នគរបាល​អន្តោប្រវេសន៍​ច្រក​ទ្វារ​អន្តរជាតិ​ប៉ោយប៉ែត ប្រកាស​បរិច្ចាគ​ប្រាក់បៀវត្ស​ក្នុង​មួយ​ខែ​ចំនួន ១លាន​រៀល រយៈពេល ៦ខែ ចាប់ពី​ខែឧសភា ឆ្នាំ២០២០ ដល់​ខែតុលា ឆ្នាំ២០២០នេះ ជូន​គណៈកម្មាធិការ​ជាតិ​ប្រយុទ្ធ​ប្រឆាំង​នឹង​ជំងឺ Covid​-19។

គួរ​ជម្រាប​ជូន​ថា ដើម្បី​សម្រាលទុក្ខ​លំបាក និង​ជា​ទឹកចិត្ត​ដ៏​ថ្លៃថ្លា​ចំពោះ​ប្រជាពលរដ្ឋ​ដែល​កំពុង​ជួបប្រទះ​ជំងឺ Covid​-19 សម្ដេច​តេជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា ក៏បាន​បរិច្ចាគ​ប្រាក់បៀវត្ស​របស់​សម្តេច​ចំនួន ៧ខែ ចាប់ពី​ខែមីនា រហូតដល់​ខែកញ្ញា ឆ្នាំ២០២០ ដំបូង​គេ​បង្អស់ ដើម្បី​បញ្ជាក់​អំពី​គំរូវីរភាព នៃ​ភាពជា​ថ្នាក់ដឹកនាំ ដែល​តែងតែ​ទទួលខុសត្រូវ និង​នៅ​រួមសុខ រួមទុក្ខ​ជាមួយ​ប្រជាជន ជានិច្ច​និរន្តរ៍​៕(ANN សម្បត្តិ សីហា)

មេន​គរ​បាល​ច្រក​ទ្វារ​អន្តរជាតិ​ប៉ោយប៉ែត បរិច្ចាគ​បៀវត្ស​ក្នុង​មួយ​ខែ​ចំនួន ១លាន​រៀល រយៈពេល ៦ខែ ជូន​គណៈកម្មាធិការ​ជាតិ​ប្រយុទ្ធ​ប្រឆាំង​នឹង​ជំងឺ Covid​-19​
មេន​គរ​បាល​ច្រក​ទ្វារ​អន្តរជាតិ​ប៉ោយប៉ែត បរិច្ចាគ​បៀវត្ស​ក្នុង​មួយ​ខែ​ចំនួន ១លាន​រៀល រយៈពេល ៦ខែ ជូន​គណៈកម្មាធិការ​ជាតិ​ប្រយុទ្ធ​ប្រឆាំង​នឹង​ជំងឺ Covid​-19​


ពាក្យទាក់ទង